Св. апостол Андреј Први е слава на Кралската куќа, а негова икона е моделирана по црквата Св. Андреј на Тре!ка во Кралската палата во Дедиње Белград
Како што вели преданието, по Косовската битка во 1389 кралот Марко заедно со брат му Андреја се враќале по патот долж течението на р. Треска. На местото на на денешната црква имало меана, и токму тука, жедни и уморни, браќата решиле да се одморат. Прв во меаната влегол Андреја, додека Марко решил да го почека надвор со коњите. Но внатре го чекало изненадување. Меаната била полна со Турци, кои го нападнале и убиле. Токму на тоа место Марко решава да изгради црква во спомен на својот брат Андреја. Кралската палата во Дедиње Белград е изградена 1924-1929 со лични средства и по налог на кралот Александар Први. Во него е вклучена и капелата посветена на Св. апостол Андреј Први, кој е слава на Кралската куќа и истата е моделирана по црквата Св. Андреј на Треска. Една икона од оваа капела е порачана и направена во Охрид.
